Ռուսաստանի Սարատովի մարզի Դերգաչևսկի շրջանում տեղի ունեցած ավտովթարի հետևանքով երկու հայ է զոհվել: Ինչպես հաղորդում է «Արմենպրես»-ը, այս մասին հայտնում է sarnovosti.ru-ն:Միջադեպը տեղի է ունեցել «Էնգելս-Երշով-Օզինկի» ավտոճանապարհի 22-րդ կիլոմետրի վրա՝ Նովոռոսլյաևկա գյուղի մոտակայքում, որտեղ ՎԱԶ -21010 մակնիշի մարդատար մեքենան բախվել է «Կամազ» մակնիշի բեռնատարին:

ՎԱԶ -21010-ի ղեկին եղել է 1991 թվականին ծնված Արմեն Ղազարյանը: Նախնական տվյալներով՝ նա չի կարողացել կառավարել ղեկը և, դուրս գալով ճանապարհի հանդիպակաց գոտի, բախվել է բեռնատարին: